Rozmevo


Rozmevo

Biologia klasado
Regno: Animaloj Animalia
Filumo: Ĥorduloj Chordata
Klaso: Birda klaso Aves
Ordo: Ĥaradrioformaj Charadriiformes
Familio: Laredoj Laridae
Genro: Rhodostethia Rhodostethia
Specio: Rozmevo 'Rhodostethia rosea'
William MacGillivray 1824
Aliaj Vikimediaj projektoj

La Rozmevo, Rhodostethia rosea, estas malgranda mevo, tio estas birdo de la familio de Laredoj kaj ordo de Karadrioformaj. Ĝi ne apartenas al la plej ofta genro Larus, sed male ĝi esta la ununura specio de ĝia genro, nome Rhodostethia.

Enhavo

Disvastiĝo


Ĝi reproduktiĝas en alta arkto de plej norda Kanado, Gronlando kaj nordorienta Siberio. Tiu birdo migras nur mallongajn distancojn suden aŭtune; la plej granda parto de la loĝantaro vintras en nordaj latitudoj borde de la glacia regiono, kvankam kelkaj birdoj atingas pli mezvarmajn regionojn kiel nordokcidenta Eŭropo ekzemple ĝis Britio. En Norda Ameriko oni vidis ekzempleron de Rozmevo tiom sude kiom ĉe la lago Salton en Kalifornio, sed tio estas ege rara.

Aspekto


Tiu eta birdo -29 ĝis 32 cm longa kun enverguro de 90 ĝis 100 cm kaj pezo de 140 ĝis 250 g- estas simila laŭ grando kaj laŭ kelkaj plumaraj ecoj kun la Pigmea mevo. Ĝi estas iomete pli granda kaj flugillonga kaj flugilakra ol tiu specio kaj havas pli pintan voston. La kruroj estas ruĝaj kaj mallongaj. Somera plenkreskulo estas helgriza supre kaj blanka sube kun rozkolora tre klara nuanco en brusto kaj ventro kaj tre difina nigra kolumo iom pli larĝa kaj pli alta ĉenuke. Vintre la rozkoloro kaj kolumo perdiĝas kaj restas nur eta nigra makulo malantaŭ la okulo. La beko estas nigra kaj mallonga, sed fortika. Dumfluge la subaj flugiloj aperas multe pli malhelaj ol la supraj.

Junuloj similas al vintraj plenkreskuloj, sed ili havas malhelan traflugilan bildon kun formo de "W", kiel junuloj de Pigmea mevo kaj pli larĝan nigran finan vostostrion. Junuloj atingas plenkreskan plumaron post du jaroj.

Kutimoj


La Rozmevo, Rhodostethia rosea, reproduktiĝas en marĉaj arktaj estuaroj, tundro aŭ rifoj, en etaj kolonioj foje kun ŝternoj. La ino demetas du aŭ tri ovojn en surgrunda nesto. Ambaŭ gepatroj kovas. La sukceso de la reprodukto dependas el predantoj kaj la klimato.

Tiu birdo manĝas etajn predojn ĉefe fiŝojn kaj krustulojn kaj ofte en kotejoj kiel vadbirdo, sed malofte naĝas. Dum reproduktado ĉefe insektojn.

Voĉo estas pli muzika “klu-klu-klu” ne tiom akra kiel tiuj de aliaj mevoj.

Aliaj


La Rozmevo, Rhodostethia rosea, ricevas la sciencan specian nomon pro la brita eksploristo James Clark Ross. En Esperanto hazarde koincidas similaj literoj “s” de Ross kaj “z” de roz-koloro.

Referencoj


Eksteraj ligiloj









Kategorioj: Mevoj | Ĥaradrioformaj




Informoj kiel: 01.11.2020 05:54:16 CET

Fonto: Wikipedia (Aŭtoroj [Historio])    Permesilo: CC-BY-SA-3.0

Ŝanĝoj: Ĉiuj bildoj kaj plej multaj desegnaj elementoj rilataj al tiuj estas forigitaj. Iuj Ikonoj estis anstataŭigitaj per FontAwesome-Ikonoj. Iuj ŝablonoj estis forigitaj (kiel "artikolo bezonas vastiĝon) aŭ atribuitaj (kiel" hatnotoj). CSS-klasoj estis aŭ forigitaj aŭ harmoniigitaj.
Vikipedio-ligoj, kiuj ne kondukas al artikolo aŭ kategorio (kiel "Redlinks", "ligoj al la redaktopaĝo", "ligoj al portaloj") estis forigitaj. Ĉiu ekstera ligo havas plian FontAwesome-Ikonon. Krom kelkaj malgrandaj ŝanĝoj de dezajno, rimedo-ujo, mapoj, navigado-skatoloj, parolitaj versioj kaj Geo-mikroformatoj estis forigitaj.

Bonvolu rimarki: Ĉar la donita enhavo estas aŭtomate prenita el Vikipedio en la donita tempo, mana kontrolado estis kaj ne eblas. Tial LinkFang.org ne garantias la ekzaktecon kaj aktualecon de la akirita enhavo. Se estas informo malĝusta tiutempe aŭ malĝusta ekrano, bonvolu senti vin libera. kontaktu nin: retpoŝto.
Vidu ankaŭ: Presaĵo & Privateca politiko.